فاكرينها إيهْ؟!
إنتوا فاكرينهـا تِكيَّـهْ
والاَّ عِزبهْ وسابهـا بابا
واحنَّا فى نَظَركُـم هَفِيَّهْ
والاَّ فُقرا ونـاس غلابهْ
ومالنا لازمهْ ومالنا دِيَّهْ
وانتوا بَـس اللِّى دِيابَهْ
واحنَّـا بِنخاف م الأذيَّهْ
والاَّ فاكرينَّـا فى غابهْ
لأ يـاعـالَـم مُفتريَـهْ
دااحنَّـا كِلمتنا المُجابهْ
والأمانـى لسَّهْ هِيَّـهْ
وبان غُناهـا ع الرَّبابهْ
مصـر ياامَّـهْ يابَهيَّهْ
دوول تُهَمهُم فى النيابهْ
وكُنَّـا أيامهُـم ضَحيَهْ
وكانوا خَوَنَـهْ بالإنابهْ
كُنَّـا أيامهُـم ضَحيَهْ
وكانوا خَونَـهْ بالإنابهْ.
ليست هناك تعليقات:
إرسال تعليق