مصر النهاردة
مصر النهاردة بتفرح
وقناتنا الخيرراح تطرح
والشعب همة وعزيمة
والكسلان معدلهوش مطرح
رؤية قائد جرئ وزعيم
ارادة شعب وقرار سليم
وبشرة خير لكل مصرى
وضربة للارهاب ف الصميم
يا مصرى اهتف وقول
الارهاب مسيره يزول
ونور الشمس يشرق تانى
وعتمة الليل مش هاتطول
حفرت القناة بدراعك
ودفعت الثمن من مالك
علشان بكره وبعده
تكون مستقبل ليك وولادك
بايديك حققت المستحيل
خير للعالم جيل ورا جيل
ومشيت بقوة اول خطوة
وكانت بداية لالف ميل
صرخت للعالم احنا هنا
احفاد الفراعنة حققنا حلمنا
واتخطينا كل الصعاب
وحفرنا القناة ف سنة
يا مصرى ازرع وعمر
عن درعاتك يللا وشمر
بلدك محتاجة لرجالة
تبنى وتزرع مش بتدمر
ليست هناك تعليقات:
إرسال تعليق