ابتسامتك.. بقلم/ حسين ابراهيم

ابتسامتك..



ابتسامتك


زي ضي قمراية..


سبحت علي صفحة النيل

فضضة لونه..

لاعبت جريد النخيل

عرت اوراق الشجر..

نطت..

علي سطح البيوت

كشفت ستر الصبايا الخدر

قاعدين


يقتلوا الوقت بضحكه وحكاية

جمعت..

عالمسطبة رجال شقاينين

عراقنين..

ماجفش لسه عرق النهار عنهم

رغم الاسي والالم وتعب السنين..

اللي نايم علي كتافهم..

بيسرقوا مالزمن بسمة

يلونوا بيها وشوشهم..

ابتسامتك..

عدت عليهم جددوا نفوسهم..


هو دا سحر ابتسامتك...