.مش معقول
مش معقوله يا حبيبي كده...
استحاله تكون انت كده...
ليه يا حبي تخلي عوازلي...
تشاور عليك و تقولي...
ده حبيبك من بره هللله و من جوه يعلم الله...
مش انت اللي انا حبيته...
و بفكري و قلبي هويته...
و في اعماق وجداني داريته...
ده حبي ليك انت خونته...
و شوقي ليك انت بعته...
ناقص ايه تاني لسه ما قولته...
يا حبيبي ده انا خطفتني بحور عنيك...
و غرقت انا فيهم...
لكن يظهر ما شوفتش الصخر الي كان ماليهم...
دلعك و قوامك صحيح سحروني...
لكن يظهر أنهم ما عرفوش أذاي يحبوني...
مش معقوله يا حبيبي كده...
استحاله تكون أنت كده...
ليه يا حبي تخلي عوازلي...
تشاور عليك و تقولي..
ده حبيبك من بره هللله و من جوه يعلم الله...
فين أيامنا فين...
فين ليالينا فين...
فين الحب اللي كان مدفينا فين...
دي كانت الضحكه الصافيه عنوانا...
و ألأيد الدافيه تربطنا...
دي حتي الفرحه كانت بتزغرد في قلوبنا...
و ترجع تبان تاني فى عيونا...
طب و الحب اللي كان بتنبض بيه قلوبنا...
ده حتي عيون حسدنا...
ما عرفتش تحسدنا...
و طريقنا كان واضح قدمنا...
ده حتي رجلينا حفظت خطواتنا...
لشط بحرك و علي الرمله يامه رسمنا...
قصور حب و شوق و حنان...
و الموج لما عليه يهب كان بيسبها...
و أنت اللي ضيعت كل لده...
مش معقوله يا حبيبي تكون أنت كده...
استحاله تكون انت كده...
ليه يا حبي تخلي عوازلي...
تشاور عليك و تقولي...
ده حبيبك من بره هللله و من جوه يعلم الله...
مش انت ايوه مش انت اللي أنا حبيته...
ليست هناك تعليقات:
إرسال تعليق