اعلنت الثوره على قلبى
وسجنت جوا وريدى النبض
وسخرت من كلمة عاشق
ودفنت حواسى ف سابع ارض
وضحكت من سهر العشاق
والسهد اللى سكنهم اوقات
وحرقت قصايدى وكلامى
وكسرت قلمى ورميت الحبر
ومشبت فرحان وبغنى
اما سددت ديون العشق
وبقيت ولا دين يركبنى
وغسلت همومى بماء الصبر
ولا عدت بسمع يوم ثومه
وكلام الحب ف اغانيها
ما خلاص القصه مرسومه
وشباك الكل وقع فيها
وف بحر الوهم ناس غرقت
ولاحد قدر يرقف بيها
لاعشق ولا حب ولا هيام
ولا دوخه ولاسهد واحلام
ولاليل ولا نجمه ولاحكاوى
القلب ماعاد يكون غاوى
ولا عاد يتحمل اوجاع
ليست هناك تعليقات:
إرسال تعليق