**********أشواق ممنوعه*********
الجزء الثاني
هو........
انتي عارفه اني شاعر
و الكلام كله مشاعر
لكن انا لساني فاكر
أن اللي بينا مجرد كلام
هي..........
كلامك درر و احساسك جواهر يا سفير الحب في جندولي عابر
اخاف من شيء يخليني أسير
لشوقك و كلامك و اهتمامك الجائر
هو..........
نفسي يا أميرة عيوني
أكون ليكي و ليا تكوني
انتي أجمل من رأت عيوني
نفسي أعيش معاكي حياتي
انتي أجمل ذكرياتي
انتي حب عمري الوحيد
هي......
انا لو عليا أحب كلامك
يتنقش على جدران قلبي
أحب عطفك و اهتمامك
يا نبضات القلب زيدي
و احس بيها في وريدي
إحساسك اجتاح في قلبي كل المساحة
نفسي أتنفس انفاسك و ارتشفها بكل سماحه
أحب حبك و التغزل بقربي و هذه مني صراحه
هو........
نفسي نكمل كلامنا
و نرسم معاه أحلامنا
لو صحينا أو حتى نمنا
يبقى حلم و حلمنا بيه
هي........
هو حلم لكن
يا ريته كان حقيقة
اذوب في دمك
و أكون في حبك غريقه
هو........
انتي ساكنه جوه ذاتي
انتي حبي و حياتي
انتي الحلم اللي انا حلمت بيه
هي.........
بس حلمك جوه قلبك
و احساسك ليه تخبيه
انا نسمه عابره جنبك
مش هتغير فيا و فيه
عيش حياتك كأني حلمك
عيش كل لحظة جميلة فيه
هو.......
الحياه من غيرك ايه تكون
الحياة من غيرك تهون
يا أجمل قلب و احلى عيون
هي......
الحياة من غيري عادي
عيش و خليك بالمقسوم راضي
*************أشواق ممنوعه********
ليست هناك تعليقات:
إرسال تعليق