سيبك من الحبة دولا -------- هات من الاخر ويايا
مش كل حبة بقولة --------- وكلاام ما يكلش معايا
ماهو يعنى مش معقولة -------- ابوح الاول بهوايا
قول يا فهلوة ورجولة -------- دى همسة فيها هنايا
قول دى ما كانتش قولة ------- شيبت صبر ضنايا
-----------------------------------------------------
-----
بصيتلك بنظرات عسولة ------- بشقاوة كل الصبايا
لبستلك تفصيل وعمولة ----- ورسيتك على الحكاية
غمزتلك بعيون مسبولة ------ وقريتك ايه فى حنايا
وتعمل عينيك مقفولة ----- وغرامك باصص جوايا
قول دى ماكانتش قولة --------- يا تحل عن سمايا
-----------------------------------------------------
------
رموشك سيوف مسلولة ---- ومين اللى يتعرضلك
ارحم كلمة مغلولة ------- قولهالى بقى من فضلك
اى حسنة مقبولة --------- ومن قلبى هاتتعوضلك
شوقى عمايله ماهولة ---- وياما نفسى افضفضلك
قول دى ماكانتش قولة ---- احسن يائسى ينفضلك
ليست هناك تعليقات:
إرسال تعليق