الماضى بيقول للحاضر
*****************
كلام له ناسه
متعبى فى كراسه
والاف حراسه
والخمر بنشربه من كاسه
بالسكر ملفوف فى سفوف
ونزيطله بضرب كفوف
والشطه محطوطه فى رفوف
والشمس صبحت فى كسوف
البحر عدل هيجانه
وبموجه اتشقلب حاله
والبط مزنوق فى الخانه
والقطه بتحكى وزنانه
الفار راكب مرجيحه
بيطفش الناس م الريحه
والبطه عملالنا قبيحة
وبتعمل للفار تسريحه
والصياد واقف ع الشط
كل يومين يتشال يتحط
ع الشط واقف كدا ملط
وجيوبه انظف من القحط
والبلبل بيغنى يا ليل
والشمس محتاجه دليل
والقرد عامل هابِّــيل
يتنطط فوق ظهر الخيل
وحكاوى الناس تحكيها
والواعى يفهم معانيها
والغاوى يعرف يرويها
بتقيطه ينقط حواليها
والماضى بيقول للحاضر
اعلنها دلوقتى ياشاطر
وماتعمل للناس دى خاطر
دا الدنيا مليانه مخاطر
تتمخطر هتعيش وحدانى
تتبغدد هتعيش تحتانى
وبعقلك راح تبقى الجانى
وللماضى هترجع من تانى
ليست هناك تعليقات:
إرسال تعليق