لكى الله يا سينا
لكى الله يا سينا...
باعوكى و أحنا ناسينا...
دم جدودنا اللى سال فوق ترابك يا سينا...
ح ننام و نقوم و ح نلاقى اليهود فوقينا...
بس المرادى ح يقولنا...
أهى ملكية ألأرض أهى فى أيدينا...
ح نكافح بحجة أيه و ح نحارب علشان أيه...
ماهى الحكومه و ألأخوان هما اللى خانونا...
و أحنا اللى دفعنا تمن ترابك من دم أهالينا...
قرى سياحيه و ضحكو بيها علينا...
أفواج سياحيه تحمل الجنسيه ألأسرائيليه...
و غصب عنا و عن اللى جابونا...
ح نرحب بيهم فوق أراضينا...
و ح نشوفهم قدام عنينا...
و هم بيغيظو فينا...
و لسان حالهم بيقول لينا...
أديكم طلعتونا و أديكم أهو بتقولو لينا يا مراحب بيكم...
طب و اللى ماتو فى ثورة أمبارح...
على قبورهم لما نزورهم...
ح يسألونا عن دمهم...
و دم أجدادنا اللى سال قدام عنينا...
ح نقولهم أيه الله يرحمك ضحيتم أنتم...
و احنا بعنا التراب اللى فيه ريحتكم...
و دم أجدادنا اللى سال فوق ترابك يا سينا...
فا لكى الله ياسينا...
باعوكى و أحنا ناسينا...
دم جدودنا اللى سال فوق ترابك يا سينا...
ليست هناك تعليقات:
إرسال تعليق