سامحتك سامحتك
سامحتك كتير
واتحملت ظلمك
ومش لاقيه تقدير
وبقيت أقول يمكن
يطرأ عليك تحسين
ويطمر فيك صبري
وعشره السنين
لقيتك زي ما انت
ياحبيبي ايوه انت
طباعك بتزيد قسوه
ومفيش أي تغيير
حرام عليك ارحمني
عيني جفت من دمعي
وبقيت بين الناس
قلبي كسير وحزين
ومبقاش ينفع امشي
قرب يخلص عمري
وان فكرت أمشي
هاروح أنا علي فين
معدش ليه مكان
ولا هاروح لمين
بعد ما راحو الخلان
وبقيت ياعيني مسكين
وحيد بينادي يا مين
يداوي جرحي الكبير
وانت شايف ضعفي
وبتزيد م الانين
ومن قله حيلتي
ما عدش شيءبيدي
غير اني أصبرواعدي
واصفح وأسامح فات الكتير
سامحتك سامحتك سامحتك كتير
ليست هناك تعليقات:
إرسال تعليق