مش كل
من غنا اتهنا
دا حياة
كل من غنا
هموم
عمره ما بينهالنا
لكن غناهلنا
كانه حاله
كان من حالنا
ومغلب فيه
برضه زماننا
مش كل
من درب
ع العود
قلبه ما فيهوش
شجن وهموم
دا عزفه العود
كانه موهوب
دا احساس
بس جواه اتسجن
هو الي خلا
في ايديه
العود
اتسحر
وسحر
كل وتر
في كل غنوه
وحلا
الحانها
مش كل من
عزف ع الناي
باله مرتاح
وعمره ما بكا
طاب تيجي
ازاي
دا حتي صوت
الناي
حزين بكاي
وكله عطش
للهنا
يمكن
بيحكي الناي لصاحبه
عن كل الي ف قلبه
لما تطبطله ايديه
علي وجعه
وحكايه
ويا الزمن
يحكيهالنا
مش كل
من غنا اتهنا
ما انا برضه
قالولي
يا شاعرنا
وحكاية حياتي
بكتبها
بحروف حلوه
تتغنا
وذكرياتي
لا دي ذكرياتي
حاجه تانيه
دا ذكرياتي
هيا الي بقيالي
م الدنيا
واديني
في كل ليلي
تنقص دموعي كام دمعه
وانا بكتب حروف غنوه
واكملها
واقول
يلا
واستني
يجيني بكره
اكتبلي كام غنوه
عن حلم
قلبي بيه اتمني
ولا عن ليل الغربه
ولا عن عمايل الدنيا
فيا
كل شويه
ولا عن بختي
الي ما عرفشي
طريق دارنا
وعمره مازارنا
ويا
خوفي
ياحروفي
لا ما تلحقيش
فرحه
ليست هناك تعليقات:
إرسال تعليق