انا طبعى كده
...................
أنا طبعى كده.................. محبش الانسان
اللى يتعدّى على................... حقوق غيره
تراعينى قيراط .......................أراعيك فدّان
منتاش ربنا..................... هتحدد له مصيره
.
يعنى عشان احترَمك ........و حطك ف عينيه
تقوم تتدخل فى اللى............. مالكش فيه ؟
مش من حقك ........................تتحكّم فيه
ولا انت قاضى.............. عشان تحكم عليه
.
حتى المحبه يا ناس ........لها اصول و حدود
و اذا حصل و فهمت............... غير المقصود
يبقا انت كده ....................بتشتغل نفسك
وفى النهايه الوضع السليم ............هيسود
.
وفيها ايه لو كلنا................... احترمنا بعضنا
فيها ايه لو اتنازلنا............... عن أنانية طبعنا
ياما علاقات انسانيه...................... بتفشل
عشان مش عارفين نخلى الحب .......يضمنا
.
احترام الناس لبعضها............... شىءجميل
أصيل و جميل كده ................زى ميّة النيل
و طول م الناس .............بتعرف تحب بعضها
هتبقى الدنيا حلوه............ زى ميّة السبيل
...........
ليست هناك تعليقات:
إرسال تعليق