****************************
في قصيدة ( أطوي التاريخ )
*****************************
اطوي التاريخ واقفّل
اقفّل كمان الكتب
القلب شارب حزن
والجرح دايق مر والظلم
فاجر ف القلوب وانتشر
يا فجر راحل عنى
فتني وهجّر
متغربة شمس السنين والقدر
قال إني ارحل والرحيل انكّتب
وسط الورق بين السطور والدور
على سوريا على ليبيا والعراق واليمن
مجروح على سطري
حرفي بدموع الوطن
العربي كان فجري
والفجر لسه ف خطر
والشمس عن سكتي
غايب شعاعها ورحل
كم م السنين مجروح
بدفع لوحدي التمن
اصرخ لوحدي انوح
متهان فى وسط الأمم
امريكا تتسيد
مجلس وبيأيد
وروسيا بتعيد
وكيسري غول والنار
بيها الرضيع اتشيّب
اكتب تاريخ انكتب
اكتب شهادة حق
اكتب كمان أيّد
واطوي التاريخ وارمي
ارمي خلاص القلم
واحرق كمان الورق
احرق كمان الورق
احرق كمان الورق
ليست هناك تعليقات:
إرسال تعليق