السبت، 10 أكتوبر 2015

***من التراث الشعبي..بهية وياسين1*** بقلم/ حسين ابرإهيم

***من التراث الشعبي..بهية وياسين1***



غني الموال وقال...


يا بهية وخبريني عال جري لياسين!!!!


بهية..

صبية ندية بعيون سودا مصرية...

فاردة خيوط شعرها مالدلتا للشلال..

عودها ملفوف مش محدود

ممدود من سينا للسلوم...

فارده دراعتها بالخير

ومن خيرها انا محروم....

ظل رموشها يفرش علي فدادين..

ياسين...

جذع مصري اسمر بلون الطين...

فاتح صدره يصد الريح..

عاشق بهية

وهي ليه كمان عاشقه..

لكنه من عشقه ليها

..قلبه حزين...

ياسين فلاح صحيح...

لكنه فصيح..

عارف حقه وواجبه

وسط اهله صريح...

ياسين..

قال لاهله وصحابه

الارض زي العرض

واللي يهمل في ارضه

يهمل في عرضه..

وبهية..

ارض وعرض


 طمعان فيها الظلم والجبروت

واهل البلد سلاحهم..

ايمانهم والفاس والنبوت..

ومهما يطغي الظلم

العدل ماله سكوت..

نزل ياسين

هد ظلام الليل بالنبوت..

شقت الشمس قلب السحاب..

وبقالها سكة تفوت..

في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)