الثأر
***
اسمع يا صميده يا واد عمى
هقولك حديت يرضى ربى
التار ده نار تحرق تعمى
اخدت اخوالى منى
وحبايبى وولاد عمى
وزينة الشباب ولاد بلدى
لو عاشوا كانوا نهضوا ببلدى
لكن الشيطان بينهم يغوى
ع الشر و بالغدر بيروى
الارض بالدم المصرى
اوعاك تقول يا واد حقى
او ده قصاص وعدل ربى
طب محمدين قتل مهدى
تقتلوا ليه عتريس و بشندى
و ولاد ولاد اخواته شهدى
و مجدى و نظمى وزهدى
ايوه القصاص شرعه ربى
لو أنا قتلت بيدى
قاصد ومترصد و بعندى
ازهقت روح حرمها ربى
يومها تقطعلى رقبتى
ده لو مفيش قانون يحاسبنى
و بعدله تنول حقك منى
لكن تلف و تقتلى ابنى
و تيتملى ابن ابنى
يكبر و فى صدره النار تكوى
والغل فى قلبه يحوى
ما هيمسك سلاح ويقول حقى
التار ولا العار شرفى
دم ابويا و قصاص ربى
والدايره توسع وتعبى
فى القبر زينة شباب بلدى
والكل خسران يا واد عمى
ليست هناك تعليقات:
إرسال تعليق