ياليالى الحب هلى
ياطيور الغرام تعالى
أنا قلبى مشتاق لظله
وطيفه مافارق خيالى
........................
لسحر العيون بغنى
لرموشك عشقت فنى
حبيبى قمر العلالى
.......................
الدنيا ايه ياعمرى
يامنايا وكل أملى
غير قلب عشق ياغالى
........................
فى هواك النار بتغلى
والشوق فى وريدى يسرى
ارحم ياخلى حالى
..........................
الهوى ياروحى قدرى
مكتوب أسهر لوحدى
والسهد بات حلالى
...........................
خليك معايا ياقمرى
طيفك خلانى اغنى
هجرك فوق احتمالى
..............................
مشتاق ياحبيبى لوردك
مرسوم على قلبى خدك
خمر شفايفك سؤالى
................................
الجنة فى الهجر غربة
ولا شئ فى الدنيا يحلا
والنار فى قربك آمالى
...........................
بقى عاوز تنسى الليالى
ياحبيبى يا أعز جانى
وتسبنى أروح لحالى
...........................
نادى النجوم تقول لك
والبدر اللى نوره ضيك
عاشقين سهر الليالى
............................
ياحبيبى يا أحلى نسمة
يا أرق من كل همسة
ارحمنى ياغزالى
..............................
دموعى فى هواك بتجرى
ياللى غرامك شغلنى
من بحرها موالى
........................
ياروح الروح تعالى
اسمع بوحى وندايا
شوف ايه اللى جرا لى
.............................
قلبى اللى جافيته عشقك
مناه يكون فى قربك
ياظالم يابو قلب خالى
............................
يامين ينصفنى منك
يامين يسمع شكايا
ويخرس لسان عزالى
...........................
الليالى آه من الليالى
ومن قسوة الليالى
ياهجرنى ولا يبالى
..........................
أروح لمين ياقمرى
وأقول يامين ياقدرى
ويامين يوصفله حالى
..........................
اسمعنى لما أقول لك
قلبى عشقان لظلمك
حبك غير لى حالى
...................
يارب أنا ليا منية
الدنيا من غيرها ظلمة
حبيبى خليه نوالى
.......................
ما تحرمنى منه أبدا
خليلى ضحكة عيونه
ولو كتابى بشمالى
ليست هناك تعليقات:
إرسال تعليق