يــا_واد_عــمي
...
يـــا واد عـــــمـي وأخـــــرتــها
مــــع بـــــلـدنا وحـــكـــاويـــها
مــــع هــمـــومـها وحــوديــتها
ودمــنا اللــي غـــــرج أراضــيها
...
مــــوت ودمــــار و ضــرب النــار
وعـلــى روحــنا لـيه جِــســـينا
وأخرتها يــا واد عــمي مع الـتار
وتــــجـــتيلنا فــي بـــعــضـــينا
...
مـــاتــيجـي مـــــرة نــــتــصالح
ونـــوجف بـــجىَ نـــزيف الــدم
ونــــنسى خــلافـنا ونـــسامح
ونـــساعد بــــعض فـــي الـهم
...
تـارنـا الحـجيـجي مـــع عـدونــا
اللي مــناه يـــشوفــنا ضـــعاف
ويـحتل بــلدنا ويـكسرنا ويــذلنا
وإحــــنا صــعايــده ومــا بنـخاف
...
مشهورين بدمنا الحامي وخفته
وبرجص نبــوتـنا وعــزف ربــابتنا
بروحنا المخلصة وجلبـنا وطيبته
وحــلاة كــلامنا وجـمال لهـجتنا
...
إحـــنا لـلــرجولــة رمـز وشــعار
بــــس الـمشكلـة فـي حيـاتــنا
جــــتل الأرواح بــــــوخد الـــــتار
مــيتىَ هتـنتهي مـــن عـادتـنا؟!
ليست هناك تعليقات:
إرسال تعليق