حامى الحمى *** بقلم الشاعر صلاح الصغير

حامى الحمى

...................

حامى الحمى قبل ما بينام.....بيقفل البيبان ولاحد يقدر يبان

.
حامى الحمى عالى المقام....فرض زمان يعين عليهم ديدبان

.

حامى الحمى شهم وهمام...مافيش كلام طالع بلا حســــــبان

.

والكل عاش دور النيـام......خرص اللسان ومستنى البــيان

.

حتى مافى ريحه للأحلام....أوهام ومنقوشه تحت الحيطان

.

عقوله معلوله فى الأصنام....ومصهلله ومهلله فى كل جبان

.

ودام المحال وحال الايام....مقهور ومكسور مستنى الأوان

.

واللى حام ضباب وضلام...والحامى بقى فارس ميـــــدان

.

من غير حصان ولا حسام....والبيعه مكفوله له بالضمان

.

سكت اللى سكت أغنام.....راضيه بالقوته وبالإحــــــسان

.

واللى نطق رغم اللجام.....عضام وملفوفه فى الأكـــــفان

.

ولا فى سجنه الغلام......يترحم على الكرامه والمـــكان

.

حامى الحمى الرمرام....بيترخم ع العتامه بالسهتــــان
.

والصوره محسوره كلام....متهيئه مترستئه ســـــــيلان

.

زور وبيدور فى إعلام....كوسه وحوسه مندوغين بلبـــان

.

وكل قوله ليها صمام...وصمامها من تحت ايد الصولجان

.

والصولجان بالإحتسام.....ياترضى بالقهرياتبقى مهـــان

.

وهى دى حكايه حامى الحمى