ناس وناس
............
فى ناس تشوفها تشوف معاها الخير
وناس تكلم معاها تكتم السر فى بير
وهما دولا أحلى بشر وناس
وناس جواها قلوب تشبه قلوب الطير
ناس وناس
وناس تدخل حياتك تتسحب ع المواسير
وناس تحقد عليك ومن خير ربنا ليك تغير
عايشبن الحياه بيضايقوا فى الخلق
وناس ملعونه مجنونه مدقوقه بالمسامير
ناس وناس
وناسه طيبه وقريبه من القلوب
وناس فى الغربه والكربه تدوب
كارهين الغربه وراضين بالمر
ناس شقيانه لساعة الغروب
ناس وناس
وناس لقمه تكفيها يوم
وناس تانيه تقضيها صوم
غلابه وطيبين ومبسوطين
ناس الكبير فيهم محروم
ناس وناس
ناس بت لزينه بتلعبها صح
ناس مش فارق معاه الصح
ناس تلاقيهم فى كل مكان
ناس صوتها الواطى ردح
ناس وناس
ناس لئيمه بتلعب فى المضمون
ناس بالسهوله تعرف تخون
ناس تعابين عالشقيانين بدور
ناس للاسف مكانها مش فى السجون
ناس وناس
ليست هناك تعليقات:
إرسال تعليق