شاعر وشاعر بكل الناس
وبكتب باجساس
ولازم أعيش مع معاناة الناس
حبدء بالموظف الغلبان
الراجل الشقيان
مرتبه مايكفيه يومين
وهو ماش على اده
وحارم نفسه من سعادته
عشان يوفر لابنه تمن درسه
ممكن يستلف اد مرتبه مرتين
وممكن يتسجن من كتر الدين
وبرده بيشتغل شغلتين
ندخل على الفلاح
الراجل الشقيان
تلاقيه مزروع فى ارضه
فاكر ان محصوله حيكفيه
يبقى زارع فدان
وعنده من الولاد والبنات
من كل نوع اتنين
ويبقى مبسوط يوم جنى الثمار
يجرى على التجار
يلاقى تعبه راح بلاش
التاجر خاسف بزرعه الارض
يقول ابيع وخلاص
اسدد شويه من ديون الناس
ويجوا ولاده فرحانيين
يالا يابونا ادينا تمن الكراس
الاب يبكى ويقول منين
استلفوا الكتاب والكراس
يكفينى ادفع المصاريف
ووالله مامعايا وحستلف تانى
عشان اجيب لكل واحد طقم
يروح بيه لمدرسته
عياله يقولوا طقم واحد يعمل ايه
يقولهم تيجوا من المدارس
امكم تغسله وتكويه
قلبى اتقطع عشانكم
لكن انا بايدى اعمل ايه
يقولوا يابونا ماتشيل الهم
احنا ولادك وعندنا دم
يابونا حاسين بتعبك عشانا
وحنقديها وحتعدى وماتشيل الهم
واحد تانى بيتسول
واقف فى الاشاره بيتذلل
يسمع كلام كله سم
الناس ماترحم ولاتفكر
يقولوا عليه مليونير
وهو غلبان وشقيان
ومش لاقى عمل شريف يكفيه
انت عارف هو عنده ايه
ومد ايده ليه
اعطيه وبلاش تحسبه
ربه هو اللى حيحسبه
انت شوفت اللى واقف فى الشارع
عنده عربية بطاطا
عمال يبيع وناس بتاكل
ويقولوا البطاطايه ب5 جنيه
وهو معاه 100 بطاطايه
ب500 جنيه
بيحسدوا فى واحد غلبان
واقف فى الشمس وشقيان
يجيب قوت يومه
ممكن يكون راجل تعبان
وممكن يبيع 20 بطاطيه
والباقى يرميه
ياناس سيبوا الناس
مش حسد وخلاص
نماذج كتيره فى بلادنا
تلاقى ست كبيره بتبيع مناديل
عشان عيالها اتبروا منها
راموها فى الشارع
نسيوا تعبها
اجرت اوده فوق السطوح
عشان تعيش باقى يومنها
متتحوجش لعيالها
راجل تانى كبير
تلاقيه بيتنقل على صناديق الزباله
يمكن يلاقى لقمه ياكلها
وعيال شوارع سارحين
بيبعوا فل وياسمين
تسئلهم فين ابوكم وامكم واخوكم
يقولوا طلعنا لا لقينا اب ولاام
ولااخ ولاخت
تساله طب عايش فين
يقول ادينا عايشين
الرصيف هو بيتنا
وورا الكوبرى خلوتنا
سمعت الكلام بكيت بدموع العين
ياناس البلد مليانه مساكين
ياريت كل واحد يساعد
لو بكلمه ولو بنظرة حنان
اوعوا ننسى دورنا
فى رسم الابتسامه على الوجوه
كفايه قلبى اتقطع خلاص
ليست هناك تعليقات:
إرسال تعليق