حكم الهوا $$$ بقلم تامر النقيب

حكم الهوا



___________________________


حكم الهوا نفترق


وأيامنا تنسرق

ونتوه جوه البحور

وقلوبنا نتحرق

ونضيع جوا الزحام

وبينتهى الكلام

أخرتها نقول حرام

مركبنا ليه غرق

ياما حلمنا زمان

نتقابل ف السحاب

وصحينا م المنام

بجراح ونار وعذاب

والحلم راح وتاه

فى دوامه الحياه

والحب اللى عشناه

على مفرق الطرق

معقول ياشمس بكره

جيالنا بالقساوه

والحلم يبقى ذكرى

ومرار من غير حلاوة

وحبيبى اللى هويته

أنا بالجراح كويته

أستاهل العذاب

وبذنبى أتخنق

وأضيع جوه الزحام

وينتهى الكلام

وأصرخ وأقول حرام


مركبنا ليه غرق